189-190

මුලින්ම කියන්න ඔනා මේ 189-190 කියන්නේ මොනාද කියලා.

මේ අංක වලින් කියවෙන්නේ ඔසී එන්න පුලුවන්  visa categories ගැන විස්තර ඔය ලින්ක් එකේ තියෙනවා. එතනින් 189-190 කියන්නේ ඔසී ස්තිර පදිංචිය ගන්න ලේසිම විසා කාන්ඩ දෙකක්.

ගොඩක් අයගේ හීනයක් තමයි ඔසී ස්ථිර පදිංචිය ගන්න එක, එකේදී වැදගත් වෙන ප්‍රදානම දෙයක් තමයි SOL එහෙමත් නැත්නම් Skilled Occupations List කියන එක සහ  CSOL එහෙමත් නැත්නම්  Consolidated Sponsored Occupations List.  මේ දෙකෙන්  SOL එක හැම අවුරුද්දකම ජූලි පලවෙනිදා වෙනස් කරනවා. එදාට තියෙන රැකියාවක් අයින් කරන්නත් නැති එකක් ඇතුලත් කරන්නත් පුළුවන් වගේම CSOL   එක ප්‍රාන්ත ආණ්ඩුවෙන් ආණ්ඩුවට එයාලගේ රැකියා ඉල්ලුම තියෙන විදිහ අනුව වෙනස් වෙනවා. ඒ ගැන පසුවට කතා කරමු.

ඔබ Student visa එකක ආවත් ඔබේ බලා පොරොත්තුව ඔසී වල ස්ථිර පදිංචිය අරං නවතින්න නම්,  මේ දෙක හොදින් හදාරන්නම වෙනවා. මේ දෙකේ තියෙන රැකියාවල් සදහා තමයි ස්ථිර පදිංචිය ගන්න පුළුවන් වෙන්නේ.

මොකක්ද මේ SOL කියන්නේ ?
ඔබ ස්වාධීනව ස්ථිර පදිංචිය ඉල්ලනවා නම් ඔබට වැදගත් වෙන්නේ Skilled Occupations List එක තමයි. මොකද මේකේ තියෙන රැකියාවක් Skilled occupation කරනවා නම් හෝ කිරීමට බලා පොලොරෝත්තුව ඉගෙන ගන්නවා නම් තමයි ඔබට ස්වාධීනව ස්ථිර පදිංචිය හෝ තාවකාලිකව පදිංචිය ඉල්ලන්න පුළුවන් වෙන්නේ.

එහිදී ඔබට ලකුණු 60ක් අවම ගන්න වෙනවා. ඒ ලකුණු ගණනය කරන්න පුළුවන් විදිහ මෙන්න මේකේ තියෙනවා. Online Points Test for Skilled Migration

අපි උදාහරණයක් ගමු.

  • ඔබට වයස අවුරුදු 30ක් නම් ඔබට ලකුණු 30ක් ලැබෙනවා
  • ඔබට ඔසී වල පිළිගත්තු උපාධියක් තිබෙනවා නම් ලකුණු 15ක් ලැබෙනවා
    • උදාහරණයක් හැටියට  UCSC එකේ  BIT කියලා හිතමු.
  • ඒ වගේම හොද ඉංග්‍රීසි දැනුමක් තියෙනවා නම් එකේදී ලකුණු 10 ගන්න පුළුවන්
    • IELTS: 7+ in each component; or
    • OET: B pass in each component; or
    • PTE Academic: 65+ in each component; or
    • Cambridge (CAE): 185+ in each component; or
    • TOEFL iBT: 24 in Listening, 24 Reading, 27 Writing, 23 Speaking
  • දැන් ඔබට ලකුණු 55ක් තියෙනවා තව 5ක් පමණයි අවශ්‍යය එකේදී ඔබට ඔබගේ උපාධියෙන් පස්සේ ( BIT සහතිකේ ලැබුණ දිනයේ සිට)  අවම අවුරුදු තුනක පළපුරුද්ද  තියෙනවා නම් හෝ ඔබ ඔසී වල අවම අවුරුදු දෙකක් පුර්ණ කාලීනව ඉගෙන ගෙන තියෙනවා නම් තව ලකුණු 5ක් ගන්න පුළුවන්.

හරි මේ ළකුනු 60 ගත්තා කියමුකෝ දැන් කොහොමද විසා ගන්නේ ?

ඔබට හොඳ කියවා තෙරුම් ගැනීමේ හැකියාවක් තියෙයි, නම් වියදම් අඩුම විදිහ තමයි තනියම ඉල්ලුම් කරන එක. හැබැයි පොඩි හරි සැකයක් තියෙනවා නම් සල්ලි ටිකක් වියදම් උනත් සංක්‍රමණ උපදේශකයෙකුගේ සහය පතන එක වඩාත්ම පලදායි වෙන්නත් පුළුවන්. කවුරු කොහොම කලත් වර්තමානයේ ස්ථිර පදිංචිය ඉල්ලන්න නම් SkillSelect එකට ගිහින් EOI එකක් (Expression Of Interest) සබ්මිට් කරන්නම වෙනවා.
ඔක්කොම එකම ලිපියකින් කියන්නත් බැහැනේ නේද ?

Advertisements
Posted in Visa | Tagged | 4 Comments

Visa Categories

අපි බලමු මුලින්ම ඔසී වලට එන්න පුළුවන් විසා වර්ග මොනවාද කියලා.

අප මේ  සදහා ඔස්ට්‍රලියාවේ ආගමන විගමන දෙපරතුමෙන්තුවේ  (The Department of Immigration and Border Protection)  වෙබ් සයිට්එ ක බලමු. මේකේ තියෙනවා Visa-listing  පිටුවක් එකෙන් පුළුවන් හැම එකක්ම විස්තර ඇතුව බලා ගන්න. ඒ වගේම තියෙනවා Visa Finder කියලා පිටුවක් එකෙන් පුළුවන් ඔයාලටම තමන්ට ඉල්ලුම් කල හැකි විසා වර්ගය බලා ගන්න.

මෙහෙදී අප දැනගන්න ඕනා වීසා වර්ග ගොඩක් තිබුනත් ලංකාවේ අයට පහසුවෙන් ගන්න පුළුවන් වර්ග කිහිපයක් පමණයි තියෙන්නේ කියලා.
අපි මුලින්ම දැන ගන්න ඕනා විසා වර්ගය කුමක්  උනත් ඔසී වලට එන්නේ ස්ථිර පදිංචිය සදහා ඉල්ලුම් කරීමේ බලා පොරොත්තු වෙන්  නම්,  හෝ ස්ථිර පදිංචිය සදහා ඉල්ලුම් කරන්නේ නම් , එය ලබා ගැනීමට පහසුම (පහසුම කිවුවාට පහසුම නැහැ ) ක්‍රමය කුමක්ද කියලා. අපි බලමු ප්‍රදාන විසා වර්ග සහා ඒවායේ උපවර්ගය ගැන පසුව කතා කරමු ( ඒවා තමයි වැදගත්ම) .

මේකෙන් ගොඩක්ම අපේ අයට වැදගත් වෙන දේවල් ඉස්සෙල්ලා කතා කරමු.

Posted in Visa | 6 Comments

ඇයි මෙහෙම දෙයක් පටං ගත්තේ

මට මෙහෙම දෙයක් කරන්න හිතිලා ගොඩක් කල්, එත් අද තමයි එකට අවස්ථාවක් ලැබුණේ.  ගොඩක් අය මගෙන් අහන ප්‍රශ්නයක් තමයි ඔස්ට්‍රේලියාවට හරි පාරෙන් එන්නේ කොහොමද කියලා. ඉතිං මට හිතුනා මම දන්න දේ මෙහෙම ලියන්න. කවුරු හරි කෙනෙක් ට වැදගත් වෙයි කියලා හිතුන නිසා ඔන්න ලියන්න ගත්තා.

වරදක් නැහැ නේ නේද ?

 

Posted in Uncategorized | Leave a comment