මුලින්ම කියන්න ඕනා අපි මේ ගමන ගියේ 2023 සැප්තැම්බර් 30 මේ ෆොටෝ වීඩියෝ ඒ වෙලාවේ ගත්තු ඒවා. දැන් මෙහෙ ඇත්තේ වෙනම ලස්සනක් හිම එක්ක. ඉතින් Grindelwald කියන්නේ ස්විස්ටර්ලන්තයේ තියෙන දර්ශනීය එහෙමත් නැතිනම් ලස්සනම ගමක් ඇත්තටම අපිට නම් කියන්න පුලුවන් මේක ලස්සන පොඩි නගරයක් කියලා මොකද අපි කලින් ගිය Lauterbrunnen ගමට වඩා මේක විශාලයි. ජනාකීර්නයි කාර්යබහුලයි.
කලින් පෝස්ට් වල කිව්වා වගේ Top of Europe යන කෙනෙක්ට මේ එක ගමකික් ගිහින් අනිත් ගමෙන් එළියට වෙනවා නම් තමයි එකේ හරිම ලස්සන බලන්න පුළුවන් ඉතින් අපේ Top of Europe සහ Lauterbrunnen වල ෆොටෝ සහ වීඩියෝ කලින් අපි දැම්මා.
Grindelwald වින්ටර් එකට සීත මායාලෝකයක් වෙනවා කියලා තමයි කියන්නේ. ඒ වගේම අනිත් කාලවලටත් බලන්න ලස්සනයි මේ වගේ. iconic Eiger mountain එක හොඳටම පේන තැනක් තමයි මේ Grindelwald ගම. කඳු නගින්නන්ගේ අමතක නොවන සහ legendary වැඩක් වන north face එකෙන් නැගීම කරන්නේ මේ ගම පැත්තෙන් කියලා තමයි කියන්නේ. ඒ වගේම 1935 සහ 1936 වසරේ ඔස්ට්රියා සහ ජර්මානු කඳු නගින්නන් කිප දෙන්කුට මරණය අත් කර දුන්නා කියලාත් කියන්නවා මේ Eiger’s dramatic north face එකෙන් නගින්න ගිහින්. එහේම උනත් අද වෙනකොට සිය ගනනක් කඳු නගින්නන් මේ Eiger north face එකෙන් උඩට නැගලා තියෙනවා කියලා තමයි කියන්නේ. ඒ වගේම 1936 දී මේ Eiger කන්දේ north face එකෙන් නගින්න ගිහින් කඳු නගින්නන් පස් දෙනෙක් මරණයට පත්වුනු ඒ කතාව පාදක කරගෙන 2008 දී North Face නමින් ජර්මානු චිත්රපටියක් පවා නිශ්පාදනය වෙලා තියෙනවා.
මේ ගමේ තියෙන තවත් ලස්සන තැනක් තමයි Gletscherschlucht Glacier Gorge එතනට යන්න පුලුවන් මැයි මාසේ ඉඳන් නොවෙම්බර් 21 වෙනකන් විතරයි, ඒකත් කාලගුණය නිසා වෙනස් වෙන්න පුලුවන් කියලා කියන්නේ. ඒ වගේම මේ Gletscherschlucht Glacier Gorge කියන්නේ ස්වභාවධර්මයේ අපූරු නිර්මාණයක් කියලා කියනවා. වික්රමයන් කරන්න ආසා අයට geology, water, glacier and mysticism අත්දැකීම් ගන්න පුලුවන් කියලා කියන්නේ. ඒ වගේම කඹයක ආධාරයෙන් මීටර් 90ක් පහලට පනින්න පුලුවන් තැනක් තියෙනවලු.කලින් බුකින් එකක් දාලා එනවා නම් ඒකේ මිටර් 85ක් පහලට පැයට කිලොමීටර් 120ක් වෙගෙන් පහලට පනින්න පුලුවන්ලු. මෙතනට පයින් යන්න නම් ගමේ ඉදන් විනාඩ් 35ක් පයින් යන්නත් Grindelwald railway station ඉදන් බස් එකක් අරන් Gletscherschlucht stop එකෙන් බහින්න්නත් පුලුවන්, ඒ වගේම තමංගේ වාහනයකින් යන යට වාහන නවත්තන්න තැනක් තියෙනවා.
ඔයාලා Grindelwald යනවා නම් හොඳ නිවාඩුවක් ගත කරන්න ඔනා නම් ස්වභාවධර්මයේ ආස්වාදය විදිමින් එය විදින්න පුලුවන්. ඒ වගේම ඍතු වික්රමයන් කරන්න්න කැමති කෙනෙක් නම් යන ඔනා කාලෙක ඒ දේවල් කරන්න පුලුවන්.
අපි මේ ගමට යනකොට වටේ විඩියෝ කරගෙන ගියා මේ තියෙන්නේ ඒ Exploring the Enchanting Beauty of Grindelwald Village, Switzerland විඩියෝ එක.
අපි ගත්තු ෆොටෝ මේ මගේ Grindelwald Switzerland FB photo albem එකේ තියෙන්නේ.
You must be logged in to post a comment.